127
آرمی چیف سے ملائیشین وزیراعظم کی ملاقات، باہمی دلچسپی کے امور پر تبادلہ خیال کیا گیا۔
آرمی چیف جنرل سید عاصم منیر سے ملائیشین وزیراعظم انورابراہیم نے ملاقات کی۔ جس میں دوطرفہ تعلقات اور باہمی دلچسپی کے امور پر تبادلہ خیال کیا گیا۔
ملاقات میں دوطرفہ اسٹریٹجک انٹرسٹ، علاقائی سلامتی اور دفاعی تعاون پر بھی تبادلہ خیال کیا گیا۔
پاک فوج کے شعبہ تعلقات عامہ کے مطابق دونوں رہنماؤں کے درمیان ہونیوالی ملاقات میں پاکستان اور ملائیشیا کے دوطرفہ تعلقات بالخصوص فوجی تعلقات بڑھانے کی ضرورت پر بھی زور دیا گیا۔
آئی ایس پی آر کے مطابق ملائیشین وزیراعظم نے دہشتگردی کیخلاف جنگ میں پاکستانی فوج کی پیشہ ورانہ مہارت کو سراہا ان کا کہنا تھا کہ علاقائی امن و استحکام میں پاک فوج کا کردار بہت اہم ہے۔
ملائیشین وزیراعظم نے آرمی چیف جنرل سید عاصم منیر کو ملائیشیا کے دورے کی دعوت بھی دی۔
جس پر آرمی چیف جنرل عاصم منیر نے ان کا شکریہ ادا کیا۔
