148
حکومت نے یوٹیلٹی اسٹورز دوبارہ کھولنے کا فیصلہ کرلیا ہے۔
ملک بھر میں وفاقی حکومت کے فیصلے کے بعد گزشتہ ماہ بند کیے گئے یوٹیلٹی اسٹورز دوبارہ کھل گئے۔
یوٹیلیٹی اسٹورز کارپوریشن کی جانب سے جاری کردہ اعلامیے کے مطابق یوٹیلٹی اسٹورز کارپوریشن کے تمام آپریشنز بحال ہو گئے ہیں۔ پاکستان بھر میں موجود تمام یوٹیلٹی اسٹورز کھل چُکے ہیں۔
اعلامیے کے مطابق یوٹیلٹی اسٹورز معیاری اشیائے خورد و نوش رعایتی نرخوں پر فراہم کر رہے ہیں۔
واضح رہے کہ وفاقی حکومت کی جانب سے 23 اگست کو ملک بھر میں یوٹیلٹی اسٹورز بند کرنے کا فیصلہ کیا گیا تھا۔
یوٹیلٹی اسٹورز انتظامیہ کا کہنا ہے کہ وفاقی حکومت نے انتظامیہ کو 2 ہفتے کا وقت دیتے ہوئے آپریشن بند کرنے کا حکم دیا تھا۔
