164
سابق وفاقی وزیر فواد چودھری نے کہا کہ بانی پی ٹی آئی عمران خان کی جانب سے جلسہ ملتوی کرنے کا فیصلہ بالکل درست ہے۔
سابق وفاقی وزیر کا اپنے بیان میں یہ کہنا تھا کہ شدت پسند کچھ بھی کر سکتے ہیں، ان کا اجتماع اسلام آباد میں ہورہا ہے، اس انتشار کا الزام پی ٹی آئی پر آنا تھا، شدت پسندوں کی مہم خطرناک ہوتی جا رہی ہے۔
یاد رہے کہ سابق وزیراعظم کی ہدایت پر پی ٹی آئی نے آج ہونے والا جلسہ ملتوی کر دیا ہے، پی ٹی آئی رہنما اعظم سواتی نے کہا کہ اسلام آباد میں ہونے والا آج کا جلسہ ملتوی کر دیا گیا ہے۔
اعظم سواتی کی جانب سے یہ اعلان بیرسٹرگوہرکی موجودگی میں کیا گیا، اعظم سواتی نے کہا کہ جلسہ عمران خان کی ہدایات پر ملتوی کیا گیا ہے۔
پی ٹی آئی کا جلسہ اب 8 ستمبر کو ہوگا، اس موقع پر بیرسٹر گوہر نے کہا کہ سابق وزیراعظم نے اعظم سواتی کو بلا کر جلسہ ملتوی کرنے کی ہدایت دی۔
