88
شہید محترمہ بینظیر بھٹو کی برسی کے موقع پر صوبے بھر میں عام تعطیل کا اعلان کر دیا گیا ہے۔
سندھ حکومت کی جانب سے شہید محترمہ بینظیر بھٹو کی برسی کے موقع پر صوبے بھر میں عام تعطیل کا اعلان کر دیا گیا ہے۔
سندھ حکومت کے جاری کئے گئے نوٹیفکیشن کے مطابق 27 دسمبر بروز جمعہ کو صوبے میں عام تعطیل ہوگی۔
سندھ سمیت ملک بھر میں پیپلز پارٹی کے زیر اہتمام مختلف تقریبات منعقد کی جائیں گی جس سے پیپلزپارٹی کے مرکزی و صوبائی قائدین خطاب کریں گے۔
تقریبات میں محترمہ بے نظیر بھٹو کی ملک و قوم اور جمہوریت کیلئے پیش کی گئی قربانیوں کو خراج عقیدت پیش کیا جائے گا۔
واضح رہے کہ محترمہ بے نظیر بھٹو کو 27 دسمبر 2007ء کو اس وقت شہید کیا گیا جب وہ لیاقت باغ راولپنڈی میں ایک عوامی جلسے سے خطاب کے بعد اپنی گاڑی میں بیٹھ کر واپس اسلام آباد جا رہی تھیں۔
