سرائے عالمگیر: ون ڈش کی خلاف ورزی پر کریک ڈاؤن، اسسٹنٹ کمشنر نے کراؤن ہال کو جرمانہ کر دیا۔
سرائے عالمگیر میں پنجاب حکومت اور ضلعی انتظامیہ گجرات کی ہدایات کی روشنی میں اسسٹنٹ کمشنر نے شادی ہالز پر اچانک معائنہ کرتے ہوئے ون ڈش اور وقت کی پابندی پر عملدرآمد کا جائزہ لیا۔ کارروائی کے دوران کراؤن ہال میں ون ڈش پالیسی کی خلاف ورزی پائی گئی جس پر فوری طور پر جرمانہ عائد کیا گیا۔
اسسٹنٹ کمشنر نے ہال انتظامیہ کو سخت تنبیہ کرتے ہوئے واضح کیا کہ آئندہ کسی قسم کی خلاف ورزی برداشت نہیں کی جائے گی اور قانونی کارروائی مزید سخت کی جائے گی۔
انہوں نے کہا کہ ون ڈش پالیسی کا مقصد: فضول خرچی کی روک تھام، سادگی کا فروغ، عوام کو غیر ضروری مالی دباؤ سے بچانا ہے۔
شادی ہال مالکان کو ہدایت دی گئی ہے کہ وہ حکومت پنجاب کے قواعد و ضوابط پر مکمل عملدرآمد یقینی بنائیں۔
اسسٹنٹ کمشنر نے عوام سے اپیل کی ہے کہ وہ شادی بیاہ کی تقریبات میں سادگی کو فروغ دیں اور کسی بھی خلاف ورزی کی صورت میں انتظامیہ کو فوری آگاہ کریں تاکہ قانون کی عملداری کو یقینی بنایا جا سکے۔
