88
جعلی ڈگری ثابت ہونے پر ڈائریکٹر جنرل نادرا کو ملازمت سے فارغ کردیا گیا۔
نادرا کی جانب سے جعلی ڈگری ثابت ہونے پر ڈائریکٹر جنرل ذوالفقار احمد کو ملازمت سے فارغ کر دیاگیا۔
ڈی جی سرگودھا ریجن ذوالفقار احمد کی ایم بی اے کی ڈگری پر دستخط کرنے والے اس وقت جارج میسن یونیورسٹی امریکا کے صدر ہی نہیں تھے، بی بی اے کی ڈگری میں کالج کا دیا ہوا نام دراصل ڈگری کے اجراء کے وقت کچھ اور تھا۔
نادرا کی درخواست پر ہائر ایجوکیشن کمیشن کی جانب سے انکوائری کی گئی اور نادرا کی حاصل کی ہوئی معلومات کی تصدیق کر دی، اسلام آباد ہائیکورٹ نے بھی ایچ ای سی کی مساوی ڈگری کی منسوخی کے فیصلے کو برقرار رکھا۔
نادرا کے اظہار وجوہ کے نوٹس پر ذوالفقار احمد کوئی تسلی بخش جواب دینے میں ناکام رہے، چیئرمین نادرا نے ہائیکورٹ کے فیصلے اور اظہار وجوہ میں غیر تسلی بخش جواب پر ذوالفقار احمد کیخلاف تادیبی کارروائی کی۔
