191
اسرائیل کی خفیہ ایجنسی کے سربراہ جنرل اہرن ہالیوا نے اپنے عہدے سے استعفیٰ دیدیا۔
غیر ملکی میڈیا کا کہنا ہے کہ 7 اکتوبر کا حملہ روکنے میں ناکامی کی ذمہ داری کو قبول کرتے ہوئے جنرل اہرن ہالیوا مستعفی ہوگئے ہیں۔
مستعفی میجر جنرل کی جانب سے 7 اکتوبر کے واقعات کی ریاستی تحقیقات کا مطالبہ کیا گیا ہے۔
اسرائیلی فوج میں خفیہ ایجنسی کے سربراہ کا استعفیٰ ایسے وقت آیا ہے کہ جب اسرائیل پر ایران کے حملے کا خطرہ ہر گزرتے دن کے ساتھ بڑھ رہا ہے، صورتحال سے نمٹنے کیلئے امریکی طیارہ بردار یو ایس ایس ابراہام لنکن مشرق وسطیٰ پہنچ گیا ہے۔
نئے سربراہ اسرائیلی خفیہ ایجنسی میجر جنرل شیلومی کا اس متعلق یہ کہنا تھا کہ یرغمالیوں کی رہائی کو اولین ترجیح قرار دیا گیا ہے۔
غیر ملکی میڈیا کا کہنا ہے کہ حماس کے جنگجوؤں کی تلاش کے لیے فلسطینیوں کو انسانی ڈھال بنایا جارہا ہے، اسرائیل نے سرنگوں کا معائنہ کرنے کے لیے فلسطینیوں کو انسانی ڈھال بنالیا ہے۔
