وینزویلا کے صدر نکولس مادورو کو مین ہیٹن کی وفاقی عدالت میں پیش کیا گیا۔
اس سے قبل مادورو اور ان کی اہلیہ کو بروکلن سے ہیلی کاپٹر کے ذریعے مین ہیٹن منتقل کیا گیا، جہاں سے انہیں ایک بکتر بند گاڑی میں عدالت لے جایا گیا۔
امریکی میڈیا کے مطابق مادورو پر منشیات اور دہشت گردی کے الزامات کے تحت مقدمہ چلایا جائے گا۔
اتوار کے روز انہیں امریکا لانے کے بعد نیویارک کی ایک جیل منتقل کیا گیا تھا، جبکہ ہفتے کے روز وینزویلا میں امریکی فوجی آپریشن کے دوران مادورو اور ان کی اہلیہ کو گرفتار کیا گیا تھا۔
وینزویلا کے بعد کولمبیا پر بھی امریکی کارروائی کا عندیہ
گزشتہ روز مادورو کی گرفتاری کے خلاف بروکلن حراستی مرکز کے باہر شہریوں نے احتجاج کیا۔ مظاہرین نے وینزویلا کی سرزمین سے ہاتھ ہٹانے، امریکا کی وینزویلا میں مداخلت کے خلاف اور آزادی کے حق میں شدید نعرے بازی کی۔
