132
چیف آف آرمی سٹاف جنرل عاصم منیر نے کا کہنا ہے کہ پاک فوج کا ایجنڈا صرف پاکستان ہے اور صرف اسی کو دیکھ رہے ہیں اور اسکی کامیابی چاہتے ہیں۔
اسلام آباد میں شنگھائی تعاون تنظیم (ایس سی او) کے اجلاس کے موقع پر پاکستان کے دورے پر آئے چینی وزیراعظم لی چیانگ کے اعزاز میں صدر مملکت آصف علی زرداری نے ظہرانہ دیا۔ اس موقع پر چیف آف آرمی اسٹاف جنرل عاصم منیر بھی شریک تھے۔
ظہرانے کے دوران صحافیوں نے آرمی چیف سے ایس سی او کانفرنس کے حوالے سے سوالات کیے۔ جنرل عاصم منیر نے اس موقع پر جواب دیا کہ "ہمارا ایجنڈا صرف پاکستان ہے، ہم صرف پاکستان کو دیکھ رہے ہیں اور اسی کی کامیابی چاہتے ہیں۔” ان کا بیان ملک کے مفادات اور پاکستان کی ترقی پر فوکس رکھنے کے عزم کو ظاہر کرتا ہے۔
