نیٹ فلکس کی مشہور سائنس فکشن اور ہارر سیریز ’اسٹرینجر تھنگز‘ کے آخری سیزن کا طویل انتظار ختم ہوگیا ہے۔ حال ہی میں نیٹ فلکس نے اس سیزن کا پہلا آفیشل ٹریلر جاری کیا ہے، جس نے مداحوں کی دلچسپی کو دوبارہ جلا بخشی ہے۔
ٹریلر میں دکھایا گیا ہے کہ ہاکنز شہر ایک بار پھر تباہی کے دہانے پر ہے اور اس بار پوری دنیا کو ایک شیطانی طاقت سے خطرہ لاحق ہے۔ مشہور ولن ’ویکنا‘ کی واپسی کے ساتھ کہانی پہلے سے زیادہ سنجیدہ، پراسرار اور خوفناک رخ اختیار کرتی نظر آتی ہے۔
مرکزی اداکارہ ملی بوبی براؤن بھی ایک بار پھر اپنی جان پر کھیل کر اس خوفناک دشمن کا سامنا کرتی دکھائی دے رہی ہیں۔
نیٹ فلکس کا ٹائٹن حادثے پر مبنی فلم ریلیز کرنے کا اعلان
نیٹ فلکس نے اعلان کیا ہے کہ یہ پانچواں اور آخری سیزن دو حصوں میں ریلیز ہوگا تاکہ مداحوں میں تجسس بڑھایا جا سکے اور کہانی کو مکمل کیا جا سکے۔
اسٹرینجر تھنگز کے آخری سیزن کا پہلا حصہ 26 نومبر کو جبکہ دوسرا حصہ کرسمس کے موقع پر ریلیز ہوگا۔ علاوہ ازیں، کئی ممالک میں اس کی آخری قسط کو سنیما گھروں میں بھی دکھانے کا اعلان کیا گیا ہے۔
