118
ممبئی، بالی ووڈ کی ممتاز اداکارہ عالیہ بھٹ کی جانب سے مخصوص دماغی بیماری میں مبتلا ہونے کا انکشاف کیا گیا ہے۔
فلم ”جِگرا“ کی پروموشن کے دوران عالیہ بھٹ نے ”للن ٹاپ“ کو دیئے گئے ایک نجی انٹرویو میں اپنی ذاتی زندگی کے حوالے سے اہم انکشاف کیا۔
عالیہ بھٹ کا کہنا تھا کہ انہیں بچپن میں ہی یہ محسوس ہونا شروع ہو گیا تھا کہ وہ کلاس روم میں یا دوستوں کے ساتھ بات چیت کے دوران اکثر زون آؤٹ ہو جاتی ہیں۔
اداکارہ کا کہنا تھا کہ میں بچپن سے ہی زون آؤٹ ہو جاتی تھی اور یہی بنیادی وجہ بنی کہ میں نے سائیکولوجیکل ٹیسٹ کرایا اور مجھے ADHD کی تشخیص ہوئی۔
عالیہ کا کہنا ہے کہ جب میں نے اپنے دوستوں کو اس بارے میں بتایا تو وہ کہنے لگے، ہمیں پہلے سے ہی معلوم تھا، یہ کوئی نئی بات نہیں ہے، لیکن میرے لیے یہ نیا انکشاف تھا۔
عالیہ بھٹ نے ADHD کے مسائل کے باوجود اپنی زندگی میں سکون کے لمحات کا ذکر کیا۔
