407
سابق کپتان انگلش کرکٹ ٹیم اور کمنٹیٹر ناصر حسین کی جانب سے پاکستان سے ٹیسٹ سیریز میں انگلینڈ کی فتح کی بات کو قبل از وقت قرار دیا گیا۔
پاک انگلینڈ ٹیسٹ سیریز کے حوالے سے گفتگو کے دوران سابق انگلش کپتان ناصر حسین کا کہنا تھا کہ پاکستان ٹیم موجودہ دور میں اچھا پرفارم نہیں کررہی لیکن یہ کہنا حماقت ہوگی کہ انگلینڈ پاکستان کو ٹیسٹ سیریز میں آسانی سے ہرا دے گا۔
ناصر حسین نے کہا کہ پاکستان بہترین کرکٹ نیشن ہے وہاں کرکٹ کا جنون ہے اور فینز بھی اپنی ٹیم کو ہمیشہ جیتتا ہوا دیکھنا چاہتے ہیں۔
ناصر حسین کا کہنا تھا کہ نئے کپتان اور نئے کوچ ہیں، سب کی نظریں پاکستان پر ہوں گی کہ وہ کس طرح نئے چہروں سے فائدہ اٹھاتے ہیں۔
یاد رہے کہ پاکستان اور انگلینڈ کے درمیان 3 ٹیسٹ میچوں کی سیریز کا پہلا ٹیسٹ ملتان میں سوموار کو 7 اکتوبر سے شروع ہوگا۔
دوسرا ٹیسٹ میچ بھی ملتان میں ہی 15 اکتوبر سے کھیلا جائے گا جب کہ تیسرا اور آخری ٹیسٹ 24 اکتوبر سے راولپنڈی میں کھیلا جائے گا۔
