128
وفاقی وزیر قانون اعظم نذیر تارڑ کا کہنا ہے کہ پارلیمان کی قانون سازی سپریم کورٹ کے فیصلوں سے بالاتر ہے۔
اسلام آباد میں پریس کانفرنس کرتے ہوئے ان کا کہنا تھا کہ عدالتی فیصلے کے بارے میں واضح موقف نہیں ہے لیکن رائے دی جاسکتی ہے۔
ان کا کہنا تھا کہ نظرثانی اپیل بالکل غیرمؤثر نہیں ہوئی، سیاسی جماعتوں کی نظرثانی کی درخواستیں پڑی ہوئی ہیں۔
وزیر قانون نے کہا کہ قانون بہت واضح ہے کہ آزاد امیدوار کو 3 دن میں پارٹی میں شمولیت اختیار کرنا ہے، میری نظرمیں کنفوژن ہے جو نظر ثانی اپیل میں کلیئر ہوگی۔
وفاقی وزیر قانون کا مزید کہنا تھا کہ آزاد امیدوار کی کسی جماعت میں شمولیت کا عمل ناقابل واپسی ہے۔
پی ٹی آئی الیکشن کمیشن، پشاور ہائیکورٹ اور نہ ہی سپریم کورٹ میں فریق تھی۔
ان کا کہنا تھا کہ تفصیلی فیصلے میں یہ بات نہیں ہے کہ سیٹیں کس طرح تقسیم ہوں گی، فل کورٹ نے کہا قانون سازی پارلیمان کا استحقاق ہے۔
