بانی پی ٹی آئی عمران خان نے کہا کہ جلسہ ملتوی کرنے کو میری کمزوری نہ سمجھا جائے۔
پی ٹی آئی رہنما اعظم سواتی اور چیئرمین پی ٹی آئی بیرسٹر گوہر کا میڈیا سے گفتگو میں کہنا ہے کہ عمران خان نے ملاقات کے لیے بلایا تھا۔ بانی پی ٹی آئی نے کہا کہ رپورٹ ملی ہے کہ مذہبی جماعتیں ختم نبوت کے بچاؤ کے لیے اسلام آباد ریڈ زون میں اکٹھی ہو رہی ہیں۔ ہماری جماعت کو ختم نبوت کا انتہائی احترام ہے۔
پی ٹی آئی رہنماؤں کا کہنا تھا کہ عمران خان کے حکم کے مطابق ترنول کا جلسہ ملتوی کیا ہے تاہم بانی پی ٹی آئی نے کہا کہ آزادی کے چاہنے والے میرے اس حکم کو کمزوری نہیں سمجھیں۔
بانی پی ٹی آئی کا کہنا تھا کہ ہماری جماعت پرامن سیاسی اور قانونی جدوجہد پر یقین رکھتی ہے، انتشار سے بچنے کیلئے جلسے کو ملتوی کردیا ہے۔
9مئی واقعہ میں اگر ہم کسی طرح ملوث ہیں تو سی سی ٹی وی فوٹیج سامنے لائی جائے۔ ساری کوشش انصاف اور قانون کی علمبرداری کے لیے ہے۔ لاہور میں 27 اگست کو اور اسلام آباد میں 8 ستمبر کو جلسہ ضرور ہونا چاہیے۔
پی ٹی آئی رہنماؤں نے میڈیا سے گفتگو میں مزید کہا کہ انشاءاللہ کل سپریم کورٹ جائیں گے اورعامر فاروق،قاضی فائز عیسی کے فیصلوں سے جتنا پاکستاں کو نقصان ہوا ہے اس پر بات کریں گے۔
الیکشن کمیشن اور چیف الیکن کمشنر کے خلاف جو ریفرنس دائر کئے ہیں ان پر میڈیا کے سامنے بات کریں گے۔ بانی پی ٹی آئی کبھی بھی ملک میں انتشار پھیلانا نہیں چاہتے۔ انتشار کو دور کرنے کے لئے یہ مشکل فیصلہ کیا اور جلسہ ملتوی کیا۔
