118
کینیا، 42 خواتین کے قتل کا اعتراف کرنے والا سیریل کلر پولیس کی حراست سے فرار ہوگیا۔
کینیا کے دارالحکومت نیروبی کی پولیس کے مطابق 33 سالہ جومایسی خلیسیا دیگر 12 قیدیوں کے ساتھ حوالات سے فرار ہوگیا، جس کی تلاش جاری ہے۔
سیریل کلر کو رواں سال نیروبی کیایک ڈمپنگ سائٹ سے 9 خواتین کی مسخ شدہ لاشیں ملنے کے بعد 15 جولائی کو حراست میں لیا گیا تھا۔
پولیس کا کہنا ہے کہ جومایسی خلیسیا 2022 سے اب تک اپنی بیوی سمیت 42 خواتین کو قتل کرنے کا اعتراف کرچکا ہے۔
پولیس کا کہنا ہے کہ گرفتاری کے وقت جومایسی خلیسیا کے گھر سے اہم شواہد ملے تھے جن میں 10 موبائل فون، 1 لیپ ٹاپ، چادر، شناختی کارڈ اور خواتین کے کپڑے بھی شامل تھے۔
سیریل کلر کے گھر سے 1 چھرا بھی برآمد ہوا تھا جسے آلہ قتل سمجھا گیا، اس کے علاوہ ملزم کے گھر سے 9 بوریاں بھی برآمد ہوئی تھی۔
