رواں مالی سال کے ابتدائی 8 ماہ (جولائی تا فروری) کے دوران پاکستان کو بیرونی ذرائع سے 4 ارب 90 کروڑ ڈالر موصول ہوئے، جن میں سب سے زیادہ 10 کروڑ ڈالر فرانس، 9.9 کروڑ ڈالر چین اور 4 کروڑ ڈالر امریکا نے فراہم کیے۔
اسلام آباد: رواں مالی سال کے ابتدائی 8 ماہ (جولائی تا فروری) کے دوران پاکستان کو بیرونی ذرائع سے 4 ارب 90 کروڑ ڈالر موصول ہوئے، جن میں سب سے زیادہ 10 کروڑ ڈالر فرانس، 9.9 کروڑ ڈالر چین اور 4 کروڑ ڈالر امریکا نے فراہم کیے۔
اقتصادی امور ڈویژن کے مطابق حکومت نے جولائی سے جون تک مجموعی طور پر 19.2 ارب ڈالر حاصل کرنے کا ہدف مقرر کیا تھا، جبکہ جولائی سے فروری تک امدادی اداروں سے 2.4 ارب ڈالر موصول ہوئے۔
اعداد و شمار کے مطابق اس عرصے میں مختلف ممالک سے 33 کروڑ ڈالر قرض لیا گیا، جس میں فرانس نے 10 کروڑ ڈالر، چین نے 99 ملین ڈالر، امریکا نے 40 ملین ڈالر اور سعودی عرب نے 12.3 ملین ڈالر فراہم کیے۔ اس کے علاوہ کمرشل بینکوں سے 50 کروڑ ڈالر کا قرض لیا گیا۔
اسی مدت کے دوران نیا پاکستان سرٹیفکیٹ کے ذریعے 1.3 ارب ڈالر، ایشیائی ترقیاتی بینک سے 1.09 ارب ڈالر، عالمی بینک سے 89 کروڑ ڈالر اور چینی بینکوں سے 30 کروڑ ڈالر کا قرضہ حاصل کیا گیا۔
