قتل کے مقدمے میں مطلوب اشتہاری ملزم قطر سے گرفتار

اسلام آباد، ایف آئی اے این سی بی انٹرپول کی جانب سے کارروائی کرتے ہوئے قتل کے مقدمے میں مطلوب اشتہاری ملزم سخی رحمٰن کو قطر سے حراست میں لے لیا گیا۔

ترجمان ایف آئی اے کا بتانا ہے کہ ملزم کو قطر سے گرفتار کر کے اسلام آباد ایئرپورٹ منتقل کر دیا گیا۔

یہ بھی پڑھیں

گرفتار ملزم خیبر پختونخوا کے تھانہ یعقوب خان شہید کرک کو قتل کے مقدمے میں مطلوب تھا، ملزم 2024 میں مخالف کو قتل کرکے بیرون ملک فرار ہو گیا تھا۔

ایف آئی اے این سی بی انٹرپول کی جانب سے ملزم کی گرفتاری کے لیے ریڈ نوٹس جاری کیا گیا تھا، ملزم کو بعدازاں ایف آئی اے امیگریشن اسلام آباد نے کے پی پولیس حکام کے حوالے کر دیا۔

دوسری جانب عدالت نے 26 نومبر احتجاج کے کیس میں گرفتار پی ٹی آئی کارکنوں کو فوری طور پر رہا کرنے کے احکامات جاری کردیے گئے۔

اسلام آباد ہائی کورٹ نے 26 نومبر احتجاج کے تناظر میں زیر حراست 120 سے زائد پی ٹی آئی کارکنوں کی ضمانتیں منظور کرلیں اور انہیں فوری رہا کرنے کا حکم دے دیا۔

شیئر کریں: