272
سابق وفاقی وزیر فواد چوہدری اور رہنما پی ٹی آئی بیرسٹر شعیب شاہین آپس میں لڑ پڑے۔
راولپنڈی، اڈیالہ جیل کے گیٹ پر فواد چوہدری اور رہنما پی ٹی آئی بیرسٹر شعیب شاہین آپس میں لڑ پڑے۔
فواد چوہدری اور شعیب شاہین کی لڑائی اڈیالہ جیل کے گیٹ نمبر پانچ پر ہوئی۔
ذرائع کا بتانا ہے کہ سابق وفاقی وزیر فواد چوہدری نے شعیب شاہین سے کہا تم ٹاؤٹ ہو، جس پر شعیب شاہین نے فواد چوہدری سے کہا اپنے کام سے کام رکھو۔
فواد چوہدری نے شعیب شاہین کو تھپڑ مار دیا، شعیب شاہین کو زمین پر گرنے کے باعث بازو پر چوٹ آئی۔
شعیب شاہین سے جھگڑے کے بعد فواد چوہدری اڈیالہ جیل کے اندر چلے گئے جبکہ شعیب شاہین کو سپرنٹنڈنٹ اڈیالا جیل نے اندر بلالیا۔
واضح رہے کہ اس سے پہلے بھی سابقہ وفاقی وزیر فواد چوہدری کا اینکر پرسن مبشر لقمان اور سمیع ابراہیم کے ساتھ جھگڑا ہو چکا ہے۔
