لندن، ترک قونصل خانے کے باہر قرآن پاک کو نذر آتش کرنیوالے پر ایک راہگیر نے چاقو سے حملہ کر دیا۔
غیر ملکی میڈیا کے مطابق برطانیہ میں ترک سفارت خانے کے سامنے ایک بدبخت احتجاج کے نام پر قرآن پاک کو جلانے کے ناپاک ارادے سے آیا تھا۔
جس دوران وہ یہ مکروہ حرکت کرنے جا رہا تھا کہ راہگیروں میں سے ایک نے اس پر حملہ کرکے اُسے گرا دیا۔
راہگیروں کی جانب سے بدبخت شخص کے ہاتھ سے قرآن پاک لیکراس کی خوب پٹائی کی گئی۔
سوشل میڈیا پر وائرل ویڈیو میں دیکھا جاسکتا ہے کہ بدبخت شخص کے ہاتھ میں ایک بڑی کتاب ہے جو قرآن پاک ہے اور اس کا کچھ حصہ جل رہا ہے۔
ویڈیو میں ایک راہگیر کو ملعون شخص کو چاقو سے حملہ کرتے ہوئے بھی دیکھا جاسکتا ہے جس میں وہ شدید زخمی بھی ہوا۔
پولیس اہلکاروں کی جانب سے بدبخت کو مشتعل ہجوم سے بچایا گیا، ایمبولینس کے ذریعے اسپتال منتقل کیا، جہاں اس کی حالت خطرے سے باہر بتائی جا رہی ہے۔
پولیس کی جانب سے چاقو سے حملہ کرنیوالے شخص کو بھی حراست میں لے لیا گیا ہے، جس سے پوچھ گچھ کی جا رہی ہے۔
