84
چینی ہیکرز نے امریکی شہریوں کا میٹا ڈیٹا چوری کر لیا۔
چین کے ہیکرز کی جانب سے بڑی تعداد میں امریکی شہریوں کا میٹا ڈیٹا چوری کر لیا گیا۔ غیر ملکی میڈیا کے مطابق اعلیٰ امریکی عہدیدار نے شہریوں کے میٹا ڈیٹا چوری ہونے کا الزام چینی کمپنی پر عائد کیا ہے۔ امریکی عہدیدار کا کہنا ہے کہ چینی ہیکنگ گروپ کی سائبر جاسوسی مہم میں امریکیوں کا میٹا ڈیٹا چوری ہوا۔
وائٹ ہاؤس کے مطابق چینی ہیکنگ گروپ سے نمٹنا حکومت کی اولین ترجیح ہے۔
یاد رہے کہ رواں سال مارچ میں بھی امریکی محکمہ انصاف اور فیڈرل بیورو آف انویسٹیگیشن (ایف بی آئی) کی جانب سے خبر سامنے آئی تھی کہ چین نے لاکھوں امریکی شہریوں کو آن لائن ہیکنگ کا نشانہ بنایا ہے۔
آن لائن ہیکنگ کے باعث 7 چینی شہریوں پر مقدمات بھی قائم کیے گئے تھے، کیونکہ ان افراد پر الزام تھا کہ وہ امریکی حکام اور شہریوں کے خلاف ہیکنگ کی ایک ایسی مہم کا حصہ رہے جو 14 برس جاری رہی۔
