لاہور ہائیکورٹ میں نئے تعینات ہونے والے 4 ایڈیشنل ججز نے اپنے عہدے کا حلف اٹھا لیا۔
لاہور: لاہور ہائیکورٹ میں تعینات ہونے والے 4 ایڈیشنل ججز نے اپنے عہدے کا حلف اٹھا لیا۔ حلف برداری کی تقریب لاہور ہائیکورٹ کے ججز لاؤنج میں منعقد ہوئی، جہاں چیف جسٹس جسٹس عالیہ نیلم نے ان سے حلف لیا۔
حلف اٹھانے والے ججز میں راجہ غضنفر علی خان، تنویر احمد شیخ، طارق محمود باجوہ اور عبہر گل خان شامل ہیں۔ تقریب میں لاہور ہائیکورٹ کے سینئر ججز جسٹس شجاعت علی خان، جسٹس علی باقر نجفی، جسٹس عابد عزیز شیخ، جسٹس شمس محمود مرزا، جسٹس شاہد کریم، جسٹس خالد اسحاق، جسٹس راحیل کامران شیخ اور جسٹس سردار اکبر علی نے شرکت کی۔
اس موقع پر جسٹس چودھری اقبال، جسٹس ساجد محمد سیٹھی، جسٹس شہرام سرور چودھری، جسٹس طارق ندیم، جسٹس علی ضیاء باجوہ، جسٹس انوار الحق، جسٹس فاروق حیدر اور جسٹس فیصل زمان خان بھی موجود تھے۔
حلف برداری کی تقریب میں ڈپٹی اٹارنی جنرل اسد باجوہ، پراسکیوٹر جنرل پنجاب سید فرہاد علی شاہ اور ایڈووکیٹ جنرل پنجاب امجد پرویز نے بھی شرکت کی۔
