حکومت نے کسانوں کو 1 لاکھ ایکڑ پر سبسڈی دینے کا فیصلہ کرلیا۔
کراچی، سندھ حکومت کی جانب سے کسانوں کو ایک لاکھ ایکڑ پر سمارٹ سبسڈی دینے کا فیصلہ کیا گیا ہے۔ صوبائی وزیر زراعت محمد بخش مہر کی زیر صدارت سندھ واٹر اینڈ ایگریکلچرل ٹرانسفارمیشن پراجیکٹ بارے اجلاس ہوا جس میں سیکرٹری زراعت کی جانب سے بریفنگ دی گئی۔
بریفنگ میں یہ بتایا گیا کہ سندھ کے 9 اضلاع میں مختلف پرو گرامز شروع کئے جائیں گے، منصوبے کے تحت 185 نئے واٹر کورسز بنائے جائیں گے جبکہ 500 واٹر کورسز کی لائننگ جلد مکمل کی جائے گی۔
دوران اجلاس گفتگو کے دوران صوبائی وزیر زراعت سردار محمد بخش مہر کا کہنا ہے کہ کسانوں کو 1 لاکھ ایکڑ پر سمارٹ سبسڈی دی جائے گی، 14 ہزار 575 ہاریوں کو موسمیاتی تبدیلی سے نمٹنے کے لیے آگاہی اور تربیت دی جائے گی۔
سردار محمد بخش مہر کا کہنا تھا کہ کسانوں کو پانی، یوریا کھاد، زرعی پیداوار بڑھانے اور بیج کے استعمال کی ٹریننگ بھی دی جائے گی۔
