اسلام آباد، وزیر اعظم شہباز شریف کا کہنا ہے کہ ملک کے خلاف سازش کرنے والوں کو کسی صورت نہیں چھوڑا جائے گا۔
وزیر اعظم شہباز شریف نے وفاقی کابینہ کے اجلاس میں گفتگو کے دوران کہا کہ ترقی اور سرمایہ کاری کے لیے سیاسی استحکام ناگزیر ہے اور ملک میں ہفتہ وار مہنگائی کم ہو کر 3.57 فیصد پر آگئی ہے۔
شہباز شریف کا کہنا تھا کہ وفاقی دارالحکومت اسلام آباد میں توڑ پھوڑ سے متعلق میٹنگ میں واضح ہدایات دیں جبکہ ملک کے خلاف سازش کرنے والوں کو کسی صورت نہیں چھوڑا جائے گا۔
شام کی صورتحال پر گفتگو کے دوران وزیر اعظم نے کہا کہ شام کے اندر چند دنوں میں حالات یکسر تبدیل ہوگئے ہیں اور شام کے حوالے سے ہماری سفارتی پالیسی یہ ہے کہ نیوٹرل رہیں۔
شہباز شریف کا کہنا تھا کہ شام میں 250 پاکستانی زائرین گئے تھے اور شام میں پھنسے ہوئے پاکستانیوں کے لیے فکرمند ہیں، زائرین کے علاوہ 300 مزید پاکستانی بھی وطن واپس آنا چاہتے ہیں۔
پاکستانیوں کی واپسی کے لیے لبنانی وزیراعظم سے بات کی ہے۔
