107
لاہور اور گجرات کے مختلف علاقوں میں زلزلے کے جھٹکے محسوس کیے گئے۔
تفصیلات کے مطابق زلزلے کے جھٹکے جہلم شہر اور گردونواح میں بھی محسوس کیے گئے۔ علاوہ ازیں کمالیہ شہر میں بھی زلزے کے جھٹکے محسوس کیے گئے ہیں۔
زلزلے کے بعد عوام نے کلمہ طیبہ کا ورد شروع کر دیا اور بعض مقامات پر لوگ عمارتوں اور گھروں سے باہر نکل آئے۔
زلزلہ پیما مرکز کے مطابق زلزلے کی شدت 5.1 اور گہرائی 10 کلومیٹر ریکارڈ کی گئی، جبکہ اس کا مرکز مہمند چک کا مغربی علاقہ تھا۔ ابھی تک کسی جانی یا مالی نقصان کی اطلاع موصول نہیں ہوئی۔
ماہرین کا کہنا ہے کہ زلزلے کے بعد آفٹر شاکس کا امکان موجود ہو سکتا ہے، اس لیے عوام کو احتیاط برتنے کی ہدایت دی گئی ہے۔
