جسٹس منصور علی شاہ کو بھیجا گیا توہین عدالت کا نوٹس واپس لے لیا گیا۔
اسلام آباد، سینئر جج و جسٹس سپریم کورٹ منصور علی شاہ کو وفاقی محتسب کی جانب سے بھیجا گیا توہین عدالت کا نوٹس واپس لے لیا گیا۔ جسٹس سپریم کورٹ امین الدین خان کی سربراہی میں 6 رکنی آئینی بینچ نے جسٹس منصور کے خلاف توہین عدالت سے متعلق کیس کی سماعت کی، جس دوران ایڈیشنل اٹارنی جنرل عدالت میں پیش ہوئے۔
سماعت کے دوران ایڈیشنل اٹارنی جنرل کی جانب سے یہ مؤقف اختیار کیا گیا کہ وفاقی محتسب کی طرف سے جسٹس منصور کو توہین عدالت کا نوٹس دیا گیا تھا جو واپس لے لیا گیا ہے جب کہ وفاقی محتسب نے اپنی متفرق درخواست بھی واپس لے لی ہے۔
اس موقع پر جسٹس مسرت ہلالی کی جانب سے ریمارکس دیے گئے کہ یہ کیس تو ایسا لگتا ہے ایک ہائیکورٹ نے دوسری ہائیکورٹ کو نوٹسز کیے ہوں۔
اسکے بعد آئینی بینچ نے وفاقی محتسب کیجانب سے جسٹس منصور علی شاہ کے خلاف توہین عدالت کیس نمٹا دیا۔
دوسری جانب انسداد دہشتگردی عدالت لاہور کی جانب سے پی ٹی آئی رہنما عالیہ حمزہ سمیت 6 ملزمان کے وارنٹ گرفتاری جاری کر دیئے گئے۔
