100
کراچی، گورنر سندھ کامران خان ٹیسوری 5 روزہ دورے پر بیرون ملک روانہ ہوگئے۔
کامران ٹیسوری برطانیہ اور یورپی ممالک کا دورہ کریں گے، دورے میں گورنر سندھ اہم شخصیات سے ملاقاتیں بھی کریں گے۔
ذرائع کا کہنا ہے کہ دورہ برطانیہ میں گورنر آئی ٹی انیشییٹو کے حوالے سے اہم پیش رفت کا بھی امکان ہے۔
اس سے پہلے معروف عالم دین مفتی محمد تقی عثمانی کی جانب سے گورنر ہاؤس کراچی میں آئی ٹی سینٹر کا دورہ کیا گیا۔
اس موقع پر گفتگو کرتے ہوئے مفتی محمد تقی عثمانی کا کہنا تھا کہ گورنر کی باتیں سنیں جو انقلابی نوعیت کی تھیں، میں نے یہ کام خود دیکھنے کی خواہش کی اور آج یہاں آیا ہوں، گورنر ہاؤس کا ایک دروازہ 24 گھنٹے تک کھلا رہتا ہے جہاں عوام کے مسائل سنے جاتے ہیں۔
