106
گجرات میں چلڈرن ہسپتال کے قریب ڈاکووں کی پولیس ناکہ پر فائرنگ 4 ڈاکو ٹریس کرلیے گئے تھانہ بی ڈویژن گجرات کے علاقہ محلہ فتوپورہ میں چار ڈاکووں کی پولیس کو اطلاع ملی۔
جسکے بعد شاہدولہ چوکی انچارج مبشراقبال نے معہ نفری چلڈرن ہسپتال کے قریب ناکہ لگا لیا اے ایس آئی مبشر اقبال کے مطابق رات ساڈھے گیارہ بجے دو موٹر سائیکلیوں پر چار ڈکیت آئے جن کو پولیس نے روکنے کی کوشش کی موٹرسائیکل سواروں نے پولیس پارٹی پر جان سے مار دینے کی نیت سے سیدھی فائرنگ کر دی۔
پولیس ملازمین نے ریڑھیوں اور ٹھلیوں کی اوٹ لیکر جان بچائی ملزمان محلہ فتوپورہ میں داخل ہوگئے جن کا پیچھا کیا گیا لیکن ملزمان اندھیر اشب اور تاریک گلیوں کا فائدہ اٹھاتے ہوئے فرار ہو جانے میں کامیاب ہو گئے۔
اے ایس آئی مبشر اقبال کے مطابق تین ڈکیت ٹریس کر لئے گیے جن کے نام سامنے آگئے ہیں ابرار عرف زین ہاشمی، الماس عرف ھیرا اور عابد موچی شامل ہیں جن کی گرفتاری کے لئے سرچ آپریشن جاری ہے۔
