صوبہ پنجاب کی 6 جامعات میں وائس چانسلرز تعینات کردیے گئے۔
لاہور، پنجاب حکومت کے محکمہ ہائر ایجوکیشن کی جانب سے صوبے کی مزید 6 جامعات میں وائس چانسلرز تعینات کردیے گئے۔
جاری کردہ نوٹیفکیشن کے مطابق پروفیسر ڈاکٹر سعید احمد کو وائس چانسلر تھل یونیورسٹی بھکر اور پروفیسر ڈاکٹر اشفاق احمد کو غازی یونیورسٹی ڈیرہ غازی خان کا وائس چانسلر مقرر کیا گیا ہے۔
پروفیسر ڈاکٹر یاسر نواب کو وائس چانسلر یونیورسٹی آف کمالیہ، پروفیسر ڈاکٹر فہیم آفتاب کو وائس چانسلر یونیورسٹی آف جھنگ مقرر کیا گیا۔
محکمہ ہائر ایجوکیشن نے پروفیسر ڈاکٹر سجاد مبین کو یونیورسٹی آف اوکاڑہ اور پروفیسر ڈاکٹر محمد زبیر ابوبکر کو وائس چانسلر یونیورسٹی آف لیہ تعینات کیا ہے۔
یاد رہے کہ رواں برس مئی کے ماہ میں سرکاری یونیورسٹیوں میں مستقل وائس چانسلرز کی تعیناتیوں کے حوالے سے کیس میں ہائر ایجوکیشن کی طرف سے ملک بھر کی یونیورسٹیوں سے متعلق رپورٹ پیش کی گئی تھی۔
