کیلیفورنیا، امریکی شخص بیوی کی بات نہ ماننے پر کروڑ پتی بن گیا۔
غیر ملکی میڈیا کے مطابق ایک شخص آفس کے لئے اپنے گھر سے نکلا تو اپنا کھانا ساتھ لانا بھو ل گیا، جب بیوی نے لنچ بکس کو گھر دیکھا تو شوہر کو فون کرکے واپس گھر آکر کھانے کا کہا۔
شوہر نے گھر واپس جانے کی بجائے قریب ہی ایک گروسری اسٹور پر جا کر کھانا لینے کو ترجیح دی، اس نے وہاں کھانے کی چیزوں کے ساتھ ملینیئر باکس بھی خرید لیا۔
جب اس نے اسے اسکریچ کیا تو وہ ملینیئر بن چکا تھا، اس کی 3 ملین ڈالرز کی لاٹری نکل آئی جو پاکستانی روپوں میں تقریباً 84 کروڑ روپے بنتی ہے، اس طرح وہ شخص کی بیوی کی بات نہ مان کر کروڑ پتی بن گیا، شوہر بہت زیادہ خوش ہوگیا۔
خوش نصیب شوہر نے کہا کہ گروسری اسٹور سے نکلنے سے پہلے ٹکٹ اسکین کیا تو لاٹری ونر لکھا دیکھا، اس نے کہا کہ پہلے مجھے یقین ہی نہ آیا جب تمام صفر دیکھے تو انتہائی خوشی ہوئی اور یہ خوشخبری فون کرکے اپنی زوجہ کو بھی سنائی۔
