45
اسلام آباد ہائیکورٹ نے چیف الیکشن کمشنر اور دو الیکشن کمیشن ممبران کی تقرری میں تاخیر کے خلاف دائر درخواست پر وفاق، وزیر اعظم کو پرنسپل سیکرٹری کے ذریعے اور صدر کو سیکرٹری کے ذریعے نوٹس جاری کر دیے۔
اسلام آباد ہائیکورٹ کے جسٹس محمد اعظم خان نے قومی اسمبلی اور سینیٹ میں اپوزیشن لیڈرز عمر ایوب اور شبلی فراز کی دائر کردہ درخواست پر سماعت کی۔
عدالت نے چیف الیکشن کمشنر اور الیکشن کمیشن کے ارکان کو بھی نوٹس جاری کر دیے۔
درخواست گزاروں کی طرف سے وکیل سمیر کھوسہ ایڈووکیٹ عدالت میں پیش ہوئے اور مؤقف اختیار کیا کہ چیف الیکشن کمشنر اور کمیشن کے ارکان کی مدت ختم ہونے کے باوجود وہ تاحال کام کر رہے ہیں۔
عدالت نے استفسار کیا کہ کیا چیف الیکشن کمشنر اور الیکشن کمیشن ارکان کی تقرری کا عمل شروع ہو چکا ہے؟ وکیل لطیف کھوسہ نے جواب دیا کہ ابھی تک یہ عمل شروع نہیں ہوا اور پارلیمانی کمیٹی کی تشکیل باقی ہے۔
عدالت نے فریقین کو نوٹس جاری کرتے ہوئے کیس کی سماعت 29 اپریل تک ملتوی کر دی۔
