119
لاہور، وزیراعلیٰ پنجاب مریم نواز شریف کی جانب سے پنجاب کی 3 تحصیلوں میں خواتین وکلاء کے لئے بار رومز اور ڈے کیئر سنٹرز بنانے کا حکم دے دیا گیا۔
خواتین وکلاء کی جانب سے عدالت عالیہ کو ضرورت کو مدنظر رکھتے ہوئے لیڈیز بار رومز اور ڈے کیئر سنٹرز کے قیام کی درخواست کی گئی تھی۔
وزیراعلیٰ مریم نواز نے لیڈیز بار رومز بنانے کے لئے محکمہ تعمیرات اور مواصلات کو فوری اقدامات کی ہدایت کر دی۔
اٹک، بہاولنگر اور لودھراں کے دور دراز علاقوں میں لیڈیز بار رومز کی تعمیرات کے لئے کارروائی شروع کر دی گئی ہے، محکمہ سی اینڈ ڈبلیو کی جانب سے تینوں تحصیلوں میں لیڈیز بار رومز کے لئے سٹینڈرڈ نقشہ تیار کر لیا گیا۔
وزیراعلیٰ کا کہنا تھا کہ خواتین وکلاء کے لئے ورک پلیس پر بنیادی سہولتوں کا ہونا اشد ضروری ہے، خواتین وکلاء کے لئے دیگر علاقوں میں بھی مرحلہ وار لیڈیز بار رومز بنانے کا جائزہ لیا جا رہا ہے۔
