لاہور، وزیر اطلاعات پنجاب عظمیٰ بخاری کا کہنا ہے کہ وزیراعلیٰ پنجاب مریم نواز شریف عوام کی خدمت کیلئے دن رات کام کر رہی ہیں۔
لاہور پریس کلب میں صحافیوں سے گفتگو کے دوران صوبائی وزیر عظمیٰ بخاری کا کہنا ہے کہ پنجاب میں جاری ترقیاتی منصوبے جلد مکمل کر لیے جائیں گے، مخالفین کا کام جھوٹ کی سیاست کرنا ہے۔
عظمیٰ بخاری کا کہنا ہے کہ مریم نواز پنجاب کے عوام کیلئے بہت کام کر رہی ہیں، ہم سیاسی رواداری پر یقین رکھتے ہیں، روڈا سے متعلق وزیراعلیٰ پنجاب کی جانب سے کمیٹی بنائی گئی ہے، روڈا کی سکیم میں بہت سیاست ہوئی۔
صوبائی وزیر کا کہنا تھا کہ روڈا کے پلاٹس جلد وزیراعلیٰ خود صحافیوں کو دیں گی، خوشی ہے کہ صحافیوں کیلئے عملی طور پر اقدامات کیے جا رہے ہیں، وزیراعلیٰ مریم نواز کی جانب سے صحافیوں کی فلاح کیلئے مختلف اقدامات کیے ہیں۔
دوسری جانب وفاقی تحقیقاتی ادارے (ایف آئی اے) کے محکمہ امیگریشن کے 2 افسران کو کرپشن میں ملوث ہونے پر برطرف جبکہ کئی ملازمین کی تنزلی کر دی گئی۔
دستاویزات کے مطابق ایف آئی اے امیگریشن کے افسران اور اہلکاروں کے خلاف کرپشن اور بد عنوانی ثابت ہو گئی۔ اس متعلق یہ بتایا گیا کہ بدعنوانی میں ملوث افسران اور اہلکاروں میں سب انسپکٹر، اے ایس آئی اور ہیڈ کانسٹیبل شامل ہیں۔
