71
اسلام آباد، چیئرمین پاکستان تحریک انصاف بیرسٹر گوہر کا کہنا ہے کہ بانی پی ٹی آئی و سابق وزیراعظم عمران خان نے کوئی ڈیل کی اور نہ ہی کریں گے۔
ایک بیان میں بیرسٹر گوہر کا کہنا ہے کہ بانی پی ٹی آئی قانونی طریقے سے عدالتوں سے ریلیف حاصل کریں گے۔
چیئرمین پی ٹی آئی نے کہا کہ بانی پی ٹی آئی کی رہائی کے لیے بشمول امریکا ہم کسی ملک کے طلب گار نہیں، بانی پی ٹی آئی نے کوئی ڈیل کی ہے اور نہ ہی کریں گے، عمران خان نے کہا تھا کہ ڈیل کے لیے نہیں پاکستان اور جمہوریت کیلئے مذاکرات کررہے ہیں۔
چیئرمین پی ٹی آئی نے کہا کہ آج ملک بھرمیں پی ٹی آئی کے کارکن اور لوگ احتجاج کے لیے نکلے ہیں۔
دوسری جانب وزیر دفاع خواجہ آصف کا کہنا ہے کہ تحریک انصاف کو دوبارہ 9 مئی اور 26 نومبر برپا نہیں کرنے دینگے۔
