40
راولپنڈی، جعفر ایکسپریس پر حملے کے حوالے سے ڈی جی آئی ایس پی آر لیفٹیننٹ جنرل احمد شریف چوہدری آج سہ پہر ساڑھے تین بجے پریس کانفرنس کریں گے۔
وزیر اعلیٰ بلوچستان بھی ان کے ہمراہ ہوں گے، جہاں واقعے کی تفصیلات اور سیکیورٹی فورسز کے ریسکیو آپریشن پر بریفنگ دی جائے گی۔
پریس کانفرنس میں جعفر ایکسپریس پر ہونے والے حملے اور اس کے بعد کیے گئے اقدامات پر روشنی ڈالی جائے گی۔
یاد رہے کہ 12 مارچ کو بولان میں دہشت گردوں نے پشاور جانے والی جعفر ایکسپریس کو نشانہ بنایا اور مسافروں کو یرغمال بنا لیا تھا، جن میں خواتین اور بچے بھی شامل تھے۔
