50
تہران ، ایران نے امریکی صدر ڈونلڈ ٹرمپ کی مذاکرات کی پیشکش کو مسترد کردیا۔
ایرانی سپیرم لیڈر علی خامنہ ای کا کہنا ہے کہ تجربات سے ثابت ہوچکا ہے کہ امریکا کے ساتھ مذاکرات کسی مسئلے کا حل نہیں، ایرانی وزیرخارجہ عباس عراقچی نے فرانسیسی میڈیا سے گفتگو میں کہا کہ صدر ٹرمپ کا خط موصول نہیں ہوا۔
ایٹمی پروگرام پر دیگر عالمی طاقتوں سے بات کریں گے امریکا سے نہیں، جب تک امریکا دباؤ کی پالیسی پر کاربند رہے گا، ہماری مزاحمت جاری رہے گی۔
امریکی صدر نے گزشتہ روز دعویٰ کیا تھا کہ مذاکرات کے لیے ایرانی قیادت کو خط لکھ دیا ہے، ایران کو ایٹمی ہتھیاروں کے حصول سے روکنے کے لیے مذاکرات کرنا چاہتے ہیں۔
واضح رہے کہ امریکی صدر ڈونلڈ ٹرمپ نے کہا تھا کہ انہوں نے ایران کو ایک خط ارسال کیا ہے، جس میں جوہری معاہدے پر مذاکرات کی پیشکش کی گئی ہے۔ انہوں نے امید ظاہر کی ہے کہ تہران بات چیت کے لیے آمادہ ہوگا۔
