29 غیر ملکی میڈیا کے مطابق اقوام متحدہ کے تفتیشی ماہرین نے بتایا ہے کہ 18 مارچ سے 9 اپریل کے درمیان کم از کم 36 ایسے اسرائیلی حملے ریکارڈ کیے گئے جن میں نشانہ صرف خواتین اور بچے بنے۔
غیر ملکی میڈیا کے مطابق اقوام متحدہ کے تفتیشی ماہرین نے بتایا ہے کہ 18 مارچ سے 9 اپریل کے درمیان کم از کم 36 ایسے اسرائیلی حملے ریکارڈ کیے گئے جن میں نشانہ صرف خواتین اور بچے بنے۔
اسرائیلی فورسز نے تقریباً تین ہفتوں کے دوران 224 فضائی کارروائیاں کیں، جن میں رہائشی عمارتوں اور بین الاقوامی سطح پر قائم پناہ گزین کیمپوں کو نشانہ بنایا گیا۔
اقوام متحدہ کے انسانی حقوق کے دفتر کا کہنا ہے کہ ان میں سے 36 حملے ایسے تھے جن میں صرف خواتین اور بچوں کی ہلاکتیں ریکارڈ کی گئیں، جو انسانی حقوق کی سنگین خلاف ورزیوں کی غمازی کرتے ہیں۔
ادھر اطلاعات ہیں کہ گزشتہ شب بھی اسرائیلی فورسز نے غزہ پٹی کے شمالی علاقوں پر بمباری کی، جس کے نتیجے میں مزید 2 فلسطینی جاں بحق ہوگئے۔
دوسری جانب ترک صدر رجب طیب اردوان نے اسرائیلی مظالم پر شدید ردعمل دیتے ہوئے کہا ہے، اگر یہ ظلم و بربریت نہیں، تو پھر کیا ہے؟
