جہلم: سول لائن روڈ پر واقع گورنمنٹ الطاف ہائی سکول کے ایک کمرے کی چھت گرنے کا افسوسناک واقعہ پیش آیا ہے۔
واقعہ کے نتیجے میں کمرے میں موجود موٹرسائیکل سمیت دیگر قیمتی سامان کو شدید نقصان پہنچا۔
عینی شاہدین کے مطابق چھت گرنے کے وقت کمرے میں کوئی فرد موجود نہیں تھا، جس کے باعث جانی نقصان سے بچاؤ ممکن ہوا۔ تاہم ملبے تلے ایک موٹرسائیکل اور دیگر اشیاء دب گئیں، جنہیں خاصا نقصان پہنچا۔
واقعے کی اطلاع ملتے ہی پولیس اور ریسکیو ٹیمیں فوری طور پر موقع پر پہنچ گئیں اور امدادی کارروائیاں شروع کر دیں۔ ملبہ ہٹانے کا عمل جاری ہے اور ابتدائی تحقیقات کا آغاز کر دیا گیا ہے۔
جہلم پولیس کی بڑی کارروائی: شراب سپلائی کرنے والا ملزم گرفتار
حکام کے مطابق چھت گرنے کی وجہ عمارت کی خستہ حالی ہو سکتی ہے، تاہم حتمی معلومات تحقیقات مکمل ہونے کے بعد سامنے آئیں گی۔ شہریوں نے متعلقہ حکام سے مطالبہ کیا ہے کہ سکول کی عمارتوں کا فوری سروے کرایا جائے تاکہ مستقبل میں ایسے واقعات سے بچا جا سکے۔
