جہلم:ٹریفک قوانین کی خلاف ورزیوں پر کریک ڈاؤن،365 افراد کے چالان، 87 ہزار روپے جرمانہ

ڈسٹرکٹ پولیس جہلم نے گزشتہ 24 گھنٹوں کے دوران ٹریفک قوانین کی خلاف ورزیوں پر بھرپور کارروائیاں کرتے ہوئے 365 افراد کے چالان کیے اور مجموعی طور پر 87 ہزار روپے جرمانہ عائد کیا۔

ٹریفک پولیس کے مطابق بغیر لائسنس ڈرائیونگ کرنے پر 58، بغیر ہیلمٹ موٹر سائیکل چلانے پر 105، بغیر نمبر پلیٹ کے 20 جبکہ کم عمر ڈرائیونگ کرنے پر 4 چالان کیے گئے۔

ڈی پی او جہلم طارق عزیز سندھو کی خصوصی ہدایات پر ضلع بھر میں ٹریفک قوانین پر عمل درآمد کو یقینی بنایا جا رہا ہے تاکہ شہریوں کی جان و مال کا تحفظ ممکن بنایا جا سکے۔ ڈی پی او جہلم کا کہنا ہے کہ ٹریفک قوانین کی خلاف ورزی کرنے والوں کے خلاف بلاامتیاز کارروائیاں جاری رہیں گی۔