7
سابق وزیراعلیٰ پنجاب چوہدری پرویز الہٰی نے لاہور کی اینٹی کرپشن عدالت میں منی لانڈرنگ اور مبینہ بھرتیوں کے کیس میں آج پیش نہ ہونے کا فیصلہ کیا ہے۔ ان کے وکیل نے عدالت میں ایک روزہ حاضری سے معافی کی درخواست دائر کی ہے۔
درخواست میں موقف اختیار کیا گیا کہ پرویز الہٰی کی طبیعت ناساز ہے اور ڈاکٹروں نے انہیں آرام کرنے کی ہدایت دی ہے۔ وکیل نے استدعا کی کہ عدالت ایک روزہ حاضری سے معافی کی درخواست منظور کرے۔
واضح رہے کہ اینٹی کرپشن عدالت کے جج جاوید اقبال وڑائچ کچھ دیر بعد اس کیس کی سماعت کریں گے۔ چوہدری پرویز الہٰی سمیت دیگر کے خلاف پنجاب اسمبلی میں مبینہ بھرتیوں کے حوالے سے مقدمہ درج ہے، اور سابق وزیراعلیٰ نے خود اعتراف کیا ہے کہ ان پر 27 سے 28 مختلف کیسز ہیں۔
