4
گجرات میں موٹر سائیکل چوری کی وارداتوں کا سلسلہ نہ رک سکا۔ گزشتہ روز تین مختلف مقامات سے موٹر سائیکلیں چوری کر لی گئیں۔
کڑیانوالہ کے رہائشی حیدر علی بٹ کی موٹر سائیکل اس کے گھر کے باہر سے نامعلوم چور چرا کر لے گئے۔ اسی طرح کوٹلہ ارب علی خاں کے رہائشی شہزاد کی موٹر سائیکل بھی اس کے گھر کے باہر سے چوری کر لی گئی۔
تیسری واردات عزیز بھٹی شہید ہسپتال میں پیش آئی، جہاں محلہ اچاداراں کے رہائشی ظہیر اسلم کی موٹر سائیکل ہسپتال کی حدود سے غائب کر دی گئی۔
موٹر سائیکل چوریاں نہ رک سکیں، ہریاوالہ اور دولت نگر سے دو موٹر سائیکلیں چوری
پولیس تھانہ ککرالی، کڑیانوالہ اور سول لائن نے الگ الگ مقدمات درج کر لیے ہیں تاہم اب تک کوئی گرفتاری عمل میں نہیں آئی۔ شہریوں نے مطالبہ کیا ہے کہ پولیس گشت میں اضافہ کیا جائے اور چوروں کو فوری گرفتار کیا جائے۔
