79
گجرات کے علاقے کالرہ خاصہ میں دو موٹر سائیکل سوار ملزمان نے اس وقت لوٹ مار کی جب دو بہنیں، اسرا اور بشریٰ، سکوٹر پر سوار ہو کر اپنے گھر واپس جا رہی تھیں۔
واقعہ اس وقت پیش آیا جب نامعلوم موٹر سائیکل سوار ملزمان نے چلتی سکوٹر پر جھپٹا مار کر ان کا پرس چھین لیا، جس میں 15 ہزار روپے نقدی، ایک موبائل فون اور دیگر اہم کاغذات موجود تھے۔ واردات کے بعد دونوں ملزمان فرار ہونے میں کامیاب ہو گئے۔
واقعے کی اطلاع ملنے پر تھانہ لاری اڈہ پولیس نے متاثرہ لڑکیوں کے رشتہ دار کی مدعیت میں مقدمہ درج کر لیا ہے اور ملزمان کی تلاش شروع کر دی گئی ہے۔
