33
سرائے مغل کے نواحی علاقے چکو چک واندر میں ایک افسوسناک واقعہ پیش آیا، جہاں شوہر نے بیوی پر ناجائز تعلقات کا شک کرتے ہوئے اسے بے دردی سے قتل کر دیا۔
پولیس کے مطابق ملزم نے تیز دھار آلے سے گردن اور ٹھوڑی پر وار کر کے 35 سالہ حاملہ خاتون، معافیہ بی بی کی جان لے لی، مقتولہ5 سے6 ماہ کی حاملہ تھی اور اس کی2بیٹیاں بھی ہیں۔
واقعے کی اطلاع ملتے ہی تھانہ سرائے مغل پولیس موقع پر پہنچ گئی اور تحقیقات کا آغاز کر دیا۔
پولیس کا کہنا ہے کہ قاتل واردات کے بعد فرار ہو گیا تاہم اس کی گرفتاری کے لیے خصوصی ٹیم تشکیل دی گئی ہے اور جلد ہی اسے گرفتار کر لیا جائے گا۔
مقتولہ کی لاش ضروری قانونی کارروائی کے بعد ورثا کے حوالے کر دی گئی جبکہ مزید تحقیقات جاری ہیں۔
