وزیراعظم کے مشیر برائے سیاسی امور رانا ثناء اللہ نے کہا ہے کہ بلوچستان میں فوج، ایف سی اور پولیس نے مشترکہ آپریشن شروع کر دیا ہے اور بڑی تعداد میں دہشت گردوں کو ہلاک کیا جا چکا ہے۔
نجی ٹی وی سے گفتگو کرتے ہوئے انہوں نے کہا کہ بلوچستان میں ہونے والی دہشت گردی کا صوبے کے سیاسی یا عوامی مسائل سے کوئی تعلق نہیں بلکہ کالعدم تنظیمیں ریاستی تنصیبات اور امن کو نشانہ بنا رہی ہیں۔
رانا ثناء اللہ کے مطابق مانگی ڈیم کی حفاظت پر مامور پولیس چوکی پر حملے کا مقصد علاقے کو اندھیرے میں دھکیلنا اور آبی تنصیبات کو نقصان پہنچانا تھا۔
بلوچستان میں سکیورٹی فورسز کی کارروائیاں، بھارتی سرپرستی یافتہ 15 دہشتگرد ہلاک
انہوں نے مزید کہا کہ سکیورٹی فورسز کا آپریشن جاری ہے اور سکیورٹی ذرائع کے مطابق 5 جولائی سے اب تک مختلف انٹیلی جنس بیسڈ کارروائیوں میں مجموعی طور پر **91 دہشت گرد** ہلاک کیے جا چکے ہیں۔
آزاد کشمیر کے حوالے سے رانا ثناء اللہ نے کہا کہ ایک کالعدم کمیٹی عام انتخابات کے انعقاد میں رکاوٹ ڈالنا چاہتی ہے، تاہم بروقت انتخابات آئینی اور قانونی تقاضا ہیں۔
