خیبرپختونخوا اسمبلی کے بعض حکومتی ارکان نے پارٹی کے اندرونی اور حکومتی معاملات پر اپنے تحفظات کا اظہار کرتے ہوئے پارٹی چیئرمین Barrister Gohar Ali Khan کو ایک تفصیلی خط ارسال کر دیا ہے۔
ذرائع کے مطابق خط میں مطالبہ کیا گیا ہے کہ Imran Khan کی رہائی کے لیے مؤثر اور منظم سیاسی تحریک شروع کی جائے، جبکہ زیر حراست پارٹی کارکنان کی آزادی کے لیے قانونی سطح پر بھرپور جدوجہد کی جائے۔
ارکانِ اسمبلی نے خط میں پارٹی اور حکومتی امور میں غیر متعلقہ افراد کی مداخلت پر بھی تشویش کا اظہار کیا ہے۔ ان کا مؤقف ہے کہ بعض فیصلے مشاورت کے بغیر کیے جا رہے ہیں، جس سے منتخب نمائندوں کے کردار اور اختیارات متاثر ہو رہے ہیں۔
خط میں مزید کہا گیا ہے کہ ترقیاتی فنڈز اور وسائل کی تقسیم میں شفافیت اور مساوات کو یقینی بنایا جائے۔ ارکان نے الزام عائد کیا کہ بعض حلقوں کے ساتھ امتیازی سلوک کیا جا رہا ہے، جبکہ وسائل کی تقسیم میں میرٹ کے اصولوں کو نظرانداز کیا جا رہا ہے۔
سیاسی مسائل کا حل مذاکرات میں ہے، دروازے بند نہیں ہونے چاہئیں: بیرسٹر گوہر
ناراض ارکان نے پارٹی قیادت سے مطالبہ کیا ہے کہ تنظیمی نظم و ضبط کو مضبوط بنایا جائے، منتخب نمائندوں کو فیصلوں میں شامل کیا جائے اور کارکنوں و عوام کے اعتماد کو بحال کرنے کے لیے فوری عملی اقدامات کیے جائیں۔
