سرائے عالمگیر میں ایک ڈبل اسٹوری عمارت کے قریب لگائی گئی آگ نے دیکھتے ہی دیکھتے دو گوداموں کو اپنی لپیٹ میں لے لیا، تاہم ریسکیو اہلکاروں نے بروقت کارروائی کرتے ہوئے آگ پر قابو پالیا۔
ریسکیو حکام کے مطابق ابتدائی اطلاعات میں بتایا گیا ہے کہ ایک نشے کے عادی شخص نے عمارت کے قریب پڑے گتے اور دیگر سامان کو آگ لگائی، جو تیزی سے پھیل گئی۔ آگ نے ڈبل اسٹوری بلڈنگ کے گراؤنڈ فلور پر قائم دو دکانوں پر مشتمل گوداموں کو اپنی لپیٹ میں لے لیا۔
گجرات: عزیز بھٹی شہید ہسپتال کے ادویات سٹور میں آگ، ریسکیو نے بروقت قابو پا لیا
واقعے کی اطلاع ملتے ہی ریسکیو ٹیمیں موقع پر پہنچ گئیں اور تقریباً دو گھنٹے تک جاری رہنے والے فائر فائٹنگ آپریشن کے بعد آگ پر مکمل قابو پالیا گیا۔ ریسکیو اہلکاروں کی بروقت کارروائی کے باعث آگ مزید پھیلنے سے رک گئی اور بڑے نقصان سے بچاؤ ممکن ہو سکا۔
واقعے کے بعد متعلقہ اداروں نے مزید تحقیقات کا آغاز کر دیا ہے۔
