کوئٹہ میں فیلڈ مارشل سید عاصم منیر نے کہا ہے کہ پاکستان کی ترقی کو پروپیگنڈے یا بیرونی حمایت یافتہ دہشتگردی کے ذریعے روکا نہیں جا سکتا۔ انہوں نے کہا کہ مسلح افواج ملک سے ہر قسم کی دہشتگردی کے مکمل خاتمے کیلئے پرعزم ہیں۔
پاک فوج کے شعبہ تعلقات عامہ کے مطابق فیلڈ مارشل نے کوئٹہ گیریژن کا دورہ کیا جہاں کور کمانڈر کوئٹہ نے ان کا استقبال کیا۔ دورے کے دوران انہوں نے کمانڈ اینڈ اسٹاف کالج کوئٹہ کے تربیتی معیار اور پیشہ ورانہ کارکردگی کو سراہا۔
فیلڈ مارشل سید عاصم منیر نے کہا کہ جدید جنگی تقاضوں کے پیش نظر مسلسل تربیت اور ٹیکنالوجی سے ہم آہنگی ناگزیر ہے۔ انہوں نے بلوچستان میں پائیدار امن کیلئے عوام دوست پالیسی اور بہتر طرزِ حکمرانی کو اہم قرار دیا۔
تہران میں اہم ملاقاتیں، فیلڈ مارشل عاصم منیر کا ایرانی قیادت سے رابطہ
انہوں نے سیکیورٹی فورسز کے بلند حوصلے اور آپریشنل تیاری کو بھی سراہا اور کہا کہ بلوچستان میں امن کے قیام کیلئے کوششیں جاری رہیں گی۔
