اسلام آباد میں سابق وفاقی وزیر فواد چودھری نے سیاسی صورتحال پر ردعمل دیتے ہوئے کہا ہے کہ عوام کو آزادانہ طور پر ووٹ کا حق دیا جائے تو سب کچھ واضح ہو جائے گا۔ ان کا کہنا تھا کہ موجودہ حالات میں جمہوری عمل متاثر نظر آ رہا ہے۔
انہوں نے بانی عمران خان کے حوالے سے گفتگو کرتے ہوئے کہا کہ پاکستان تحریک انصاف کو انتخابات میں حصہ لینے کی اجازت ہونی چاہیے تاکہ عوام اپنی رائے کا اظہار کر سکیں۔
فواد چودھری نے مزید کہا کہ چار سال گزرنے کے باوجود پاکستان مسلم لیگ (ن) اور پاکستان پیپلز پارٹی اقتدار چھوڑنے کو تیار نہیں، جس سے سیاسی نظام پر سوالات اٹھ رہے ہیں۔
ن لیگ اور پیپلز پارٹی نے خود اپنے ڈیتھ وارنٹ سائن کیے:فواد چودھری
انہوں نے اپنے بیان میں طنزیہ انداز اپناتے ہوئے کہا کہ ایک مضبوط سیاسی قوت کو محدود کر کے کچھ لوگ خود کو طاقتور سمجھ رہے ہیں، تاہم اگر عوام کو ووٹ دینے کا مکمل اختیار ملے تو اصل صورتحال سامنے آ جائے گی
