8
پاکستان کے مختلف شہروں میں زلزلے کے جھٹکے محسوس کیے گئے، جن میں اسلام آباد، راولپنڈی اور پشاور شامل ہیں۔ اس کے علاوہ سوات، ہنگو، شمالی وزیرستان اور چترال میں بھی زلزلے کے جھٹکے ریکارڈ کیے گئے۔
زلزلہ پیما مرکز کے مطابق زلزلے کی شدت 5.5 ریکارڈ کی گئی جبکہ اس کی گہرائی 199 کلو میٹر تھی۔ زلزلے کا مرکز کوہ ہندوکش کا علاقہ بتایا گیا ہے، جہاں اکثر زلزلے آتے رہتے ہیں۔
ابتدائی اطلاعات کے مطابق زلزلے کے باعث کسی جانی یا مالی نقصان کی خبر سامنے نہیں آئی، تاہم متعلقہ ادارے صورتحال کی نگرانی کر رہے ہیں۔
