کراچی اور راولپنڈی میں غیرقانونی طور پر مقیم غیرملکی افراد کے خلاف سیکیورٹی اداروں نے مشترکہ کارروائیاں کرتے ہوئے درجنوں افغان شہریوں کو حراست میں لے لیا۔
ایس ایس پی سٹی عارف عزیز کے مطابق کراچی کے اولڈ سٹی ایریا میں کیے گئے آپریشن کے دوران 98 افغان باشندوں کو غیرقانونی قیام پر حراست میں لیا گیا، جبکہ رہائشی ایکٹ کی خلاف ورزی پر 61 افراد کو بھی گرفتار کیا گیا۔
دوسری جانب سہراب گوٹھ میں کارروائی کے دوران 20 سے زائد افغان شہریوں کو تحویل میں لے کر متعلقہ تھانے منتقل کیا گیا۔ اسی طرح ڈیفنس کے مختلف علاقوں سے بھی چار افغان باشندوں کو غیرقانونی قیام پر گرفتار کیا گیا۔
افغان سرحد پر کشیدگی، آپریشن ‘غضب للحق’ میں بھاری جانی و عسکری نقصان کا دعویٰ
ادھر راولپنڈی کے مختلف علاقوں میں بھی پولیس نے کارروائی کرتے ہوئے 40 افغان شہریوں کو گرفتار کیا، جنہیں بعد ازاں ہولڈنگ کیمپ منتقل کر دیا گیا۔
حکام کے مطابق یہ اقدامات غیرقانونی قیام کی روک تھام اور قانونی تقاضوں پر عمل درآمد کو یقینی بنانے کے لیے کیے جا رہے ہیں، جبکہ مزید کارروائیاں بھی جاری رہیں گی۔
