9
آسٹریلیا نے اسلام کے خلاف مہم چلانے والے اسرائیلی انفلوئنسر سیمی یاہود کا ویزا منسوخ کر دیا۔ حکومت نے واضح کیا کہ وہ نفرت پھیلانے والے مہمانوں کو قبول نہیں کرے گی۔
غیر ملکی میڈیا کے مطابق سیمی یاہود نے سوشل میڈیا پر اسلام کو ایک “نفرت انگیز نظریہ” قرار دیا تھا۔ ان کا ویزا اسرائیل سے روانگی سے صرف تین گھنٹے قبل منسوخ کیا گیا۔
وزیر داخلہ ٹونی برک نے کہا: "جو لوگ آسٹریلیا جانا چاہتے ہیں وہ صحیح ویزا کے لیے درخواست دیں اور صحیح وجوہات کی بنا پر آئیں، نفرت پھیلانا کوئی اچھی وجہ نہیں ہے۔”
واضح رہے کہ آسٹریلیا نے گزشتہ سال 14 دسمبر کو سڈنی کے بونڈی بیچ پر ہنوکا کی تقریب میں فائرنگ کے بعد اپنے نفرت انگیز جرائم کے قوانین سخت کر دیے تھے، جس کے نتیجے میں 15 افراد ہلاک ہوئے تھے۔
